च्याकुटारमा जेनजी शहीद योगेन्द्रको शालिक निर्माण

२२ भदौ, काठमाडौँ । देशका सुशासन प्रवर्द्धन र भ्रष्टाचार विरुद्ध नवपुस्ताको आह्वानमा गत वर्षको भदौ २३ गते नयाँ बानेश्वरमा भएको जेनजी आन्दोलनका शहीद योगेन्द्र न्यौपाने (रोशन)को शालिक अनावरण गरिएको छ।

उनको जन्मथलो सिन्धुलीको गोलञ्जोर गाउँपालिका–१ च्याकुटारवेसीस्थित सुनकोशी किनारको उकास जग्गामा निर्माण गरिएको शालिकको गाउँपालिका अध्यक्ष शङ्करराज बराल र उपाध्यक्ष ज्वालाप्रसाद न्यौपानले आज अनावरण गरेका हुन्। सोही कार्यक्रममा त्यहाँ निर्माण गरिएको शहीद स्मृति पार्कको उद्घाटन गरियो ।