जेनजी शहीद योगेन्द्रको च्याकुटारमा शालिक अनावरण

देशका सुशासन प्रवर्द्धन र भ्रष्टाचारविरुद्ध नवपुस्ताको आह्वानमा गत वर्षको भदौ २३ गते नयाँ बानेश्वरमा भएको जेनजी आन्दोलनका शहीद योगेन्द्र न्यौपाने (रोशन)को शालिक अनावरण गरिएको छ ।

उनको जन्मथलो सिन्धुलीको गोलञ्जोर गाउँपालिका–१ च्याकुटारवेसीस्थित सुनकोशी किनारको उकास जग्गामा निर्माण गरिएको शालिकको गाउँपालिका अध्यक्ष शङ्करराज बराल र उपाध्यक्ष ज्वालाप्रसाद न्यौपानले आज अनावरण गरेका छन् । सोही कार्यक्रममा त्यहाँ निर्माण गरिएको शहीद स्मृति पार्कको उद्‌घाटन गरिएको हो ।