जेन जी शहीद र घाइतेको अपमान हुने गरी कार्यक्रम गरिएको भन्दै रास्वपा सचेतक धितालको आपत्ति, गृहमन्त्रीको आलोचना

काठमाडौं । राष्ट्रिय स्वतन्त्र पार्टी (रास्वपा)की सचेतक क्रान्तिशिखा धितालले जेन जी आन्दोलनका शहीद तथा घाइतेको सम्मानमा नयाँ बानेश्वरमा आयोजित सरकारी कार्यक्रमप्रति आपत्ति जनाएकी छन् ।

जेन जी आन्दोलनको एक वर्ष पूरा भएको अवसरमा आज नयाँ बानेश्वरस्थित तत्कालीन संसद् भवन परिसरमा आयोजित कार्यक्रममा आन्दोलनका घाइते तथा शहीद परिवारका सदस्यहरूमाथि रास्वपाका कार्यकर्ता र प्रहरीबाट दुर्व्यवहार भएपछि धितालले सामाजिक सञ्जालमार्फत असन्तुष्टि व्यक्त गरेकी हुन् ।