दुबईमा रहेर बस चलाइरहेकी शान्तिले घर जाने पैसा बाढीपीडितलाई गरिन् सहयोग

दुबई । दुबईमा कार्यरत एक नेपाली प्रवासी महिलाले आफ्नो लामो समयदेखिको घर जाने योजना रद्द गरेर हवाई टिकटका लागि साँचेको पैसा नेपालका बाढी पीडितहरूलाई सहयोगस्वरूप प्रदान गरेकी छन् ।

४३ वर्षीया शान्ति कुमारी भण्डारीले यस वर्षको दसैँ र तिहारमा नेपाल जाने योजना बनाएकी थिइन् । यूएईमा डबल डेक पर्यटक बस चालकको रूपमा कार्यरत उनी सन् २०२१ देखि नेपाल जान पाएकी थिइनन् । तर, नेपालमा बाढी र पहिरोले पुर्‍याएको विनाशका भिडियो र समाचारहरू देखेपछि उनले आफ्नो यात्रा स्थगित गरेर सो रकम पीडितहरूलाई दिने निर्णय गरिन् ।