लुम्बिनी बस टर्मिनल भित्रको सम्झौता कार्यान्वयनमा लापरबाही

लुम्बिनी । बुटवल उपमहानगरपालिकाद्वारा निर्मित लुम्बिनी बस टर्मिनल (नयाँ बसपार्क) ठेक्का व्यवस्थापन गम्भीर विवादमा गिजोलिएको छ । सम्झौता पत्रमा उल्लेखित छोटो दूरीका सवारी साधन बस टर्मिनल भित्रबाटै छुटाउने व्यवस्था उपमहानगरले मिलाउनुपर्ने मुख्य बुँदा कार्यान्वयन नहुँदा ठेकेदार पक्षले बाहिरबाट शुल्क उठाउँदै आएको बिषय यतिबेला स्थानीय प्रशासनको नजरमा परेपछि थप चुलिएको छ ।

ठेक्का सम्झौता अनुसार छोटो दूरीका सवारी साधनहरु बसपार्क भित्रबाटै छुट्नु पर्ने उल्लेख भएपनि पश्चिम नेपाल बस व्यवसायी प्रालि लगायत बस समिति र उपमहानगरपालिकाको उदासिनताका कारण उक्त सवारी साधनहरु बसपार्क बाहिर सडकबाटै छुट्दै आएका छन् ।