कराँची तट नजिक सम्पर्कविहीन कार्गो विमानको खोजी जारी

इसलामाबाद । पाकिस्तानको दक्षिणी सहर कराँची नजिक समुद्री क्षेत्रमा सम्पर्कविहीन भएको एउटा कार्गो विमानको खोजी कार्य भइरहेको छ ।

विमानमा पाँच जना चालकदलका सदस्य सवार रहेको पाकिस्तानी उड्डयन अधिकारीहरूले बताएका छन् । पाकिस्तान विमानस्थल प्राधिकरणका अनुसार बोइङ ७३७ कार्गो विमान मंगलबार राति स्थानीय समयअनुसार ९ः२१ बजे तेज गतिमा झरेर हवाई यातायात नियन्त्रण कक्षसँगको सम्पर्कबाट बाहिरिएको थियो । उक्त विमान संयुक्त अरब इमिरेट्सको शारजाहबाट कराँचीतर्फ उडिरहेको थियो ।