रुसद्वारा एक सातामै तेस्रोपटक किभमा क्षेप्यास्त्र आक्रमण

किभ । रुसले युक्रेनको राजधानी किभमा एक साताभित्र तेस्रो पटक ठुलो क्षेप्यास्त्र आक्रमण गरेको छ । बुधबार बिहान भएको आक्रमणपछि शहरका दुई जिल्लामा आगलागी भएको छ ।

यस घटनामा कम्तीमा दुई जना घाइते भएको युक्रेनी अधिकारीहरूले बताएका छन् । किभका मेयर भिताली क्लिच्कोले सामाजिक सञ्जाल टेलिग्राममार्फत जारी गरेको वक्तव्यमा रुसी क्षेप्यास्त्र आक्रमणका कारण शहरका दुई जिल्लामा आगलागी भएको बताएका छन् । उनका अनुसार घाइतेमध्ये एक जनाको अस्पतालमा उपचार भइरहेको छ ।