दर्शकदीर्घातिर फर्केर अभिवादन गर्दै रोनाल्डोले लिए विश्वकपबाट बिदा

एर्लिङ्टन । विश्वकपमा आफ्नो अन्तिम खेल खेलेपछि क्रिस्टियानो रोनाल्डोले दुःख मानेर मैदान छाडे। उनको अनुहारमा उदासिनता प्रस्ट देखिन्थ्यो। यसले उनको मनमा के खेलिरहेको थियो, त्यो अनुमान गर्न सकिन्थ्यो। दर्शकदीर्घातिर फर्केर हात उठाए र अभिवादन गरे।

प्रत्येक हारपछि उनी जति दुःखी हुन्छन्, त्यो भन्दा बढी पीडा देखिन्थ्यो, उनमा। ‘दुःख नै हुन्छ, यसरी प्रतियोगिताबाट बाहिरिँदा,’ पछि रोनाल्डोले आँसु पुछेर भने। उनी अहिले ४१ वर्षमा भइसके। उनी छैटौंपल्ट विश्वकप खेलिरहेका थिए। पोर्चुगल स्पेनको हातबाट अन्तिम १६ को चरणमा १–० ले पराजित रह्यो। उनले भने, ‘मैले फुटबललाई सबथोक दिएँ, मैले सक्दो राम्रो खेल्ने प्रयास गरें। अब म सफा मनले विश्वकपबाट बिदा लिँदै छु।’