अर्थतन्त्रको मूल समस्याबाट पन्छिएको मौद्रिक नीति

काठमाडौं । राष्ट्र बैंकले अर्थतन्त्रका मूलभूत समस्या पन्छाएर आगामी आर्थिक वर्षको मौद्रिक नीति ल्याएको छ । गभर्नर विश्वनाथ पौडेलले मंगलबार सार्वजनिक गरेको मौद्रिक नीति निजी क्षेत्रतर्फको कर्जा प्रवाहसँगै सर्वसाधारणको समेत चासो रहेको सेयर, घरजग्गा तथा सवारीसाधन ऋण सहजीकरणका विषयमा प्रस्ट देखिएको छैन ।

गभर्नर पौडेलले यस वर्षको नीतिले अवलम्बन गरेका सबै नीति तथा कार्यक्रमलाई निरन्तरता दिइएकाले सहजतापूर्वक लचिलो मौद्रिक नीति ल्याइएको बताएका छन् । तर वित्तीय प्रणालीमा लामो समयदेखि ऋण दिन मिल्ने रकम (अधिक तरलता) थुप्रिएको, पुँजीकोषमा दबाबले बैंकको ऋण दिने क्षमता खस्किएको, परिस्थितिजन्य कारणले ऋणीको भुक्तानी क्षमता घटेको, सेयर बजार ओरालो लागेकोलगायत अर्थतन्त्रका मुख्य समस्यालाई मौद्रिक नीतिले सम्बोधन गर्न नसकेको विज्ञहरूले टिप्पणी गरेका छन् ।