नक्कली भुटानी शरणार्थी प्रकरणमा खाँण र रायमाझीसहित मुख्य अभियुक्तहरू दोषी ठहर

काठमाडौं । जिल्ला अदालत काठमाडौंले नक्कली भुटानी शरणार्थी प्रकरणमा फैसला सुनाउँदै पूर्वउपप्रधानमन्त्री टोपबहादुर रायमाझी, पूर्वगृहमन्त्री बालकृष्ण खाँण र पूर्वगृहसचिव टेकनारायण पाण्डेसहितका मुख्य अभियुक्तहरूलाई दोषी ठहर गरेको छ ।

न्यायाधीश तेज बहादुर खड्काको इजलासले आइतबार उक्त मुद्दामा फैसला गर्दै संगठित ठगी, लिखत किर्ते र राज्य विरुद्धको कसुरमा संलग्नहरूलाई सजाय निर्धारणका लागि दोषी ठहर गरेको हो । अदालतको आदेशमा नेपाली नागरिकलाई नक्कली भुटानी शरणार्थी बनाई अमेरिका पठाउने लोभ देखाएर गिरोह नै खडा गरी करोडौँ ठगी गरिएको तथ्य पुष्टि भएको उल्लेख छ ।