वीरेठाँटी–घान्द्रुक सडक पुनः निर्माण गर्न ९ लाख बढी सहयोग

कास्की । कास्कीको अन्नपूर्ण गाउँपालिकाको पर्यटकीय क्षेत्र घान्द्रुकलाई पोखरासँग जोड्ने पक्की सडक तीन सातादेखि अवरुद्ध छ । मोदीको कटानले वीरेठाँटी बजार अहिले जोखिममा पर्नुका साथै यहाँको १०० मिटर सडक बगेपछि पुनः निर्माणलाई अघि बढाइएको हो ।

गाउँपालिकाले सडक पुनः निर्माणका लागि विपद् व्यवस्थापन कोष बनाएर रकम जम्मा गर्नका लागि सरोकार भएका सबैलाई आह्वान गरेकामा मंगलबार एकै दिन ९ लाख ७७ हनार ६९५ रकम जम्मा भएको गाउँपालिका अध्यक्ष विष्णुबहादुर केसीले जानकारी दिइन् ।