चौँरीपालनमा गैरशेर्पा समुदाय

भोजपुरको टेम्केमैयुङ गाउँपालिका-१ पाङखाङका नामछोङ राई (३०)ले सात वर्षअघि आफ्नो जिन्दगी कठिन मोडमा रहेको महसुस गरे। सँगैका साथी कोही विदेश, कोही सहर पसिसकेका थिए। कोही त तीनचार वर्ष विदेशमा कमाएर फर्किसकेका थिए। कोही भने पैसा कमाउन वल्लोपल्लो गाउँतिर लकडी बोक्ने, सडक र अन्य पूर्वाधार निर्माणमा काम गर्न जानेआउने गरिरहन्थे।

नामछोङलाई ती कुनै कुरामा रुचि थिएन। आफूले के गर्ने भन्ने मेसो पनि पाइरहेका थिएनन्। घर, गोठ, खेतबारी गर्दागर्दै उनको मनमा फ्याट्टै आयो– चौँरी पालूँ कि क्या हो! उनका कुल, वंश, छिमेक, आफन्त कसैले पनि चौँरी पालेका थिएनन्।