जलविद्युत्: कोसीमा उच्च सम्भावना न्यून उत्पादन

कोसी प्रदेशमा जलविद्युत् उत्पादनको सम्भावना उच्च भए पनि उत्पादन भने न्यून मात्र छ। यो प्रदेशमा ३४ हजार मेगावाट विद्युत् उत्पादन सम्भावना भए पनि साढे ५ सय मेगावाट हाराहारी मात्रै उत्पादन भइरहेको छ तर केहि वर्षयता कोसीमा विद्युत् आयोजना निर्माण क्रमले तीव्रता पाएको छ। जसमा ठुला आयोजनाहरू पनि छन्।

भारत सरकारको लगानीमा कोसीमा निर्माण सुरु भएको अरुण तेस्रो जलविद्युत् आयोजना अन्तिम चरणमा पुगेको छ। नौ सय मेगावाट क्षमताको यो आयोजना निर्माण सम्पन्न हुँदा जलविद्युत् उत्पादनमा कोसीले पनि अग्रता कामय गर्ने निश्चित छ।