नेपालमा ‘टनेल रेस्क्यु’ टोली पठाउँदै भारत

काठमाडौं । नेपालमा विनाशकारी बाढीपछि खोज तथा उद्धार अभियान जारी रहँदा भारतले विशेष ‘टनेल रेस्क्यु टिम’ नेपाल पठाउने तयारी गरेको छ । नेपालको अनुरोधपछि उद्धार टोली पठाउन लागिएको भारतले जनाएको छ ।

भारतीय विदेश मन्त्रालयका प्रवक्ता रणधीर जैसवालले शुक्रबार नियमित पत्रकार सम्मेलनमा नेपालमा उद्धारका लागि विशेष टोली पठाउने तयारी भइरहेको जानकारी दिएका हुन् । उनका अनुसार टोली पठाउनुअघि आवश्यक उपकरण र सामग्रीको अवस्था बुझ्न रेक्की टोली नेपाल आउनेछ ।