ट्रम्प भित्र बसिरहेका बेला ह्वाइट हाउसबाहिर चल्यो गोली, बन्दुकधारी मारिए

अमेरिकाको ह्वाइट हाउसनजिक सुरक्षा जाँच चौकीमा गोली चलेको छ । शनिबार साँझ वाशिङ्टन डीसीस्थित १७औँ सडक र पेन्सिल्भेनिया एभिन्यूको चेकपोइन्टमा गोली चलेको हो ।

गोली चलेपछि अमेरिकाको गुप्तचर सेवाका सुरक्षाकर्मीले ती गोली चलाउने व्यक्तिलाई गोली हानी मारेका छन् । ती व्यक्ति सर्वसाधारण रहेको बीबीसीको समाचारमा उल्लेख छ ।