चीनले आणविक पनडुब्बीबाट मिसाइल परीक्षण गरेपछि प्रशान्त क्षेत्रका मुलुकबीच रक्षा गठबन्धन

एजेन्सी । चीनले प्रशान्त महासागरमा आणविक पनडुब्बीबाट ब्यालिस्टिक मिसाइलको दुर्लभ परीक्षण गरेर समुद्रमा आधारित आणविक क्षमतालाई प्रदर्शन गरेको छ । बेइजिङको यस कदमले उक्त क्षेत्रका देशहरूलाई आफ्नो सुरक्षाका लागि रक्षा सम्बन्ध अझ सुदृढ बनाउन र बेइजिङको प्रभावबाट टाढा रहन बाध्य पार्ने देखिएको छ ।

चिनियाँ जनमुक्ति सेना (पीएलए) को जलसेनाले सोमबार दिउँसो १२ः०१ बजे नक्कली हतियार बोकेको मिसाइल अन्तर्राष्ट्रिय जलक्षेत्रतर्फ प्रहार गरेको आधिकारिक समाचार एजेन्सी सिन्ह्वाले जनाएको छ । मिसाइल तोकिएको जलक्षेत्रमा ठ्याक्कै खसेको र यो कुनै विशेष देशलाई लक्षित नगरी गरिएको चीनको नियमित सैन्य तालिमको हिस्सा भएको बताइएको छ ।