सुनसरीमा पेस्तोल र गोलीसहित दुई जना पक्राउ, पुराना आपराधिक रेकर्डसमेत खुल्यो

सुनसरी । जिल्ला प्रहरी कार्यालय सुनसरीले पेस्तोल, म्याग्जिन र ३ राउण्ड गोलीसहित दुई जना मानिसहरूलाई पक्राउ गरेको छ। अस्थायी प्रहरी चौकी चाँदबेलाबाट खटिएको प्रहरी टोलीले बुधबार बिहान उनीहरूलाई नियन्त्रणमा लिएको हो।

सुनसरी जिल्लाको गढी गाउँपालिका वडा नं.०१ मधेली झण्डा चोकस्थित सडकमा पैदल हिँडिरहेको अवस्थामा शंका लागेर चेकजाँच गर्दा उनीहरूको साथबाट हतियार फेला परेको प्रहरीले जनाएको छ। पक्राउ पर्नेहरूमा मोरङ जिल्लाको विराटनगर महानगरपालिका वडा नं.१७ रानी बस्ती बस्ने ५१ वर्षका नुर महमद र सोही महानगरपालिकाको वडा नं. ०८ अशोक चोक बस्ने ३२ वर्षका इमरान खान भन्ने मो.अहमदद रहेका छन्।