अध्यादेशमा 'ओभर रिच' भएपछि कोर्स करेक्सन गरियो : अर्थमन्त्री वाग्ले

काठमाडौँ । अर्थमन्त्री डा. स्वर्णिम वाग्लेले सम्पत्ति शुद्धीकरण निवारण ऐन संशोधनका क्रममा अध्यादेशमार्फत ल्याइएको व्यवस्थामा केही हदसम्म 'ओभर रिच' (अतिव्याप्ति) भएको महसुस भएपछि त्यसलाई सच्याएर पुरानै कानुनी व्यवस्थामा फर्काइएको बताएका छन्।

बुधबार बसेको संघीय संसद्को विधायन व्यवस्थापन समितिको बैठकमा बोल्दै अर्थमन्त्री वाग्लेले विगतमा उजुरीको दुरुपयोग गरी व्यवसायी वा व्यक्तिलाई दुःख दिने गरिएकाले त्यस्तो अवस्था पुनः नआओस् भन्नका लागि यो कदम चालिएको स्पष्ट पारे।