घुस रकमसहित वन प्रमुख यादव पक्राउ

काठमाडौं । सेवाग्राहीबाट एक लाख ४५ हजार घुस लिएको आरोपमा सिरहाको सब–डिभिजन वन कार्यालय बन्दीपुरका कार्यालय प्रमुख रामकेवल राय यादव पक्राउ परेका छन् ।

उद्योगको लागि ल्याएको काठ सिलबन्दीअनुसार भए/नभएको रुजु गरी कागजातसहितको फाइल फिर्ता गर्ने क्रममा सेवाग्राहीलाई दुःख हैरानी दिई घुस मागेको सूचना प्राप्त भएपछि अख्तियार दुरुपयोग अनुसन्धान आयोगको टोलीले निगरानी गरेको थियो ।