महाकाली सिँचाइ आयोजनाको पानी भारतसँगको कूटनीतिक पहलमार्फत ल्याउन सांसद बोहोराको माग

राष्ट्रिय स्वतन्त्र पार्टी (रास्वपा)का सांसद दीपक बोहोराले राष्ट्रिय गौरवको महाकाली सिँचाइ आयोजनाका लागि भारतसँग आवश्यक कूटनीतिक पहल गरी महाकाली नदीको पानी उपलब्ध गराउन सरकारसँग माग गरेका छन् ।

बुधबार प्रतिनिधिसभाको बैठकमा बोल्दै उनले शारदा ब्यारेजबाट महाकाली नदीको पानी दुवै देशले प्रयोग गर्ने व्यवस्था रहे पनि भारतसँग आवश्यक कूटनीतिक पहल नहुँदा हालसम्म पानी नछोडिएको बताए ।