ट्रम्पका ज्वाइँविरुद्ध अल्बानियामा किन भइरहेको छ प्रदर्शन ?

काठमाडौं । अमेरिकी राष्ट्रपति डोनाल्ड ट्रम्पका ज्वाइँविरुद्ध अल्बानियामा प्रदर्शन भएको छ । अल्बानियाको राजधानी तिरानामा ट्रम्पका ज्वाइँ जारेड कुश्नर र छोरी इभान्का ट्रम्प जोडिएको १.२ अर्ब डलरको पर्यटन परियोजनाविरुद्ध प्रदर्शन भएको हो ।

उक्त परियोजनाले संरक्षित वातावरणीय क्षेत्रलाई ठूलो क्षति पुर्‍याउने प्रदर्शनकारीहरूको भनाइ छ । विरोध बढ्दै गएपछि परियोजनामाथि छानबिन सुरु गरिएको छ ।