यी स्थानमा सडक पूर्ण रूपमा अवरुद्ध

काठमाडौं । वर्षासँगै बाढीपहिरोका कारण देशका केही स्थानमा सडक अवरुद्ध छ । मध्यपहाडी लोकमार्गलगायत सडकखण्ड अवरुद्ध रहेको प्रहरी प्रधान कार्यालयले जनाएको छ । मध्यपहाडी लोकमार्गमा मात्र तीन ठाउँमा सडक अवरुद्ध छ ।

पाँचथरको याङवारक गाउँपालिका–३, ओयाम बजारमा सडक पूर्ण रूपमा अवरुद्ध छ । यही जेठ ८ गते राति करिब साढे ११ बजे उक्त स्थानस्थित च्याङथापुदेखि थर्पु जोड्ने मध्यपहाडी लोकमार्गमा पहिरो खस्दा बाटो अवरुद्ध भएको प्रहरीले जनाएको छ।