घट्यो काठको मूल्य, समितिको सेवा–सुविधा ३० प्रतिशतले कटौती

बारा । सरकारले उपभोक्ताहरूलाई बिक्री गर्दै आएको काठको मूल्य घटाएको छ । मधेस प्रदेश वन निर्देशनालयले जेठ ११ गतेदेखि लागु हुनेगरी काठको मूल्य घटाएको हो ।

डिभिजन वन कार्यालय बारा, वन पैदावार आपूर्ति समितिले जेठ ६ गते काठ, दाउराको मूल्य घटाउने निर्णय गरेर स्वीकृतिका लागि प्रदेश वन निर्देशनालयमा फाइल पठाएको थियो । आपूर्ति समितिको निर्णयलाई सदर गर्दै प्रदेश सरकारले काठको मूल्य घटाउने निर्णय स्वीकृत गरेको हो ।