छोरीसँग स्टेडियममै विश्वकपको रोमाञ्चः रामकृष्ण ढकालले भने- ‘यो जीवनकै अविस्मरणीय स्मृति बन्यो’

काठमाडौं– लोकप्रिय गायक रामकृष्ण ढकाल यतिबेला आफूले निर्माण गरेको नेपाली फिल्म ‘मालती मंगले’ को विशेष प्रदर्शन (टूर) का लागि अमेरिकामा छन् । विभिन्न राज्यमा रहेका नेपाली दर्शकमाझ फिल्म प्रस्तुत गरिरहेका ढकालले व्यस्त कार्यक्रमकै बीच फिफा विश्वकप–२०२६ अन्तर्गत न्यू जर्सीमा सम्पन्न फ्रान्स र स्पेनबीचको बहुप्रतीक्षित खेल प्रत्यक्ष हेर्ने अवसर पाए । उनले उक्त अनुभवलाई आफ्नो जीवनकै सबैभन्दा विशेष क्षणमध्ये एक भएको बताएका छन् ।

कलाकर्मी सँग अनुभव साट्दै ढकालले विश्वकै सबैभन्दा ठूलो खेल महोत्सवलाई आफ्नै आँखाअगाडि हेर्न पाउनु बाल्यकालदेखिको सपना पूरा भएको अनुभूति भएको बताए । अझ आफ्नी छोरी रानी ढकालसँगै स्टेडियममा बसेर खेल हेर्न पाएकाले त्यो क्षण अझ विशेष बनेको उनको भनाइ छ ।