करेन्ट लागेर विद्युत प्राधिकरणका कर्मचारीको मृत्यु

उदयपुरको वेलका नगरपालिकामा विद्युत लाइनमा काम गर्ने क्रममा करेन्ट लागेर नेपाल विद्युत प्राधिकरणका एक कर्मचारीको मृत्यु भएको छ।

आज बिहान करिब १०ः३० बजे वेलका नगरपालिका–९ स्थित रामपुर नगर अस्पताल नजिकै विद्युतको पोलमा चढेर मिटर बक्सको तार जोड्ने क्रममा नेपाल विद्युत प्राधिकरण रामपुरमा कार्यरत करिब ४० वर्षीय मिलन राईलाई करेन्ट लागेको प्रहरीले जनाएको छ।