अनेरास्ववियुमा पार्टी हस्तक्षेपको विरोध, सङ्गठन छाड्न धामीलाई सुझाव

काठमाडौँ । नेकपा एमाले निकट अनेरास्ववियुको केन्द्रीय कमिटी बैठकमा पार्टीको हस्तक्षेप र नेतृत्वको उदासीनताबारे चर्को बहस सुरु भएको छ । शुक्रबार बसेको बैठकमा १९९ सदस्यीय केन्द्रीय कमिटी सदस्यमध्ये ३४ जना मात्र उपस्थित भएपछि गणपूरक सङ्ख्या (कोरम) नपुगेको भन्दै नेताहरूले आपत्ति जनाएका थिए ।

अनेरास्ववियुका एक नेताले बताएअनुसार बैठकमा उपमहासचिव कमल जोशीले सङ्गठनमा मातृ पार्टी (एमाले) को अनावश्यक हस्तक्षेप बढेको भन्दै हस्तक्षेपमुक्त सङ्गठन बनाउनुपर्ने बताएका थिए ।