मुस्ताङ भन्सारः ५६ करोड राजस्व सङ्कलन

मुस्ताङ - भोटेकोशीमा आएको बाढीका कारण रसुवागढी–केरुङ र तातोपानी नाका बन्द भएपछि कोरलानाका हुँदै आयात बढ्दा मुस्ताङ भन्सार कार्यालयको राजस्व सङ्कलनमा उल्लेख्य वृद्धि भएको छ ।

भन्सार कार्यालयका अनुसार भदौ १० देखि २३ गतेसम्म मात्रै रु ५६ करोडभन्दा बढी राजस्व सङ्कलन भएको छ । दुई प्रमुख उत्तरी नाका बन्द भएपछि मुस्ताङको कोरलानाका वैकल्पिक व्यापारिक नाकाका रूपमा प्रयोग हुँदै आएको हो ।