सुकुम्बासी तथा भूमिहीनहरूमाथि अमानवीय व्यवहार भइरहेको भन्दै मानवअधिकार रक्षकहरूको आपत्ति

काठमाडौं । काठमाडौंका विभिन्न स्थानबाट उठिबास लगाइएका सुकुम्बासी तथा भूमिहीनहरूमाथि अमानवीय व्यवहार भइरहेको भन्दै मानवअधिकार रक्षक र नागरिक अभियन्ताहरूले गम्भीर आपत्ति जनाएका छन् ।

३७ जना अधिकारकर्मी तथा अभियन्ताहरूले बुधबार संयुक्त विज्ञप्ति जारी गर्दै ७० दिनभन्दा बढी समयदेखि होल्डिङ सेन्टरमा रहेका पीडितहरूलाई त्यहाँबाट हट्न अल्टिमेटम दिने र धाकधम्की दिने कार्य तुरुन्त रोक्न माग गरेका हुन् ।