सिँधे नुनले पनि बढाउन सक्छ रक्तचाप

काठमाडौं । मानिसहरू सिँधे नुनलाई सामान्य सेतो नुनभन्दा बढी प्राकृतिक र स्वस्थकर मान्छन् । विशेषगरी व्रत वा डाइटका क्रममा यसको प्रयोग धेरै हुन्छ ।

तर सिँधे नुन पनि नुन नै भएको अनि यसमा पनि पर्याप्त मात्रामा सोडियम पाइने विशेषज्ञहरू भन्छन् । त्यसैले सिँधा नुनलाई जति खाए पनि सुरक्षित हुने नुनका रूपमा बुझ्नु भूल हुन सक्छ । स्वास्थ्यका लागि सबैभन्दा महत्त्वपूर्ण कुरा नुनको प्रकारभन्दा पनि दिनभरि सेवन हुने कुल नुन र सोडियमको मात्रा हो ।