पुरानै बहावमा बग्न थाल्यो किम्रुङ खोला

पोखरा । कास्कीको अन्नपूर्ण गाउँपालिका–११ स्थित किम्रुङखोला आफ्नै पुरानै गतिमा बग्न थालेको छ । मंगलबार साँझ पानीको बहाव कम भएपछि स्थानीयले प्रशासनलाई खबर गरेका थिए ।

बुधबार बिहानसम्म खोला पहिले कै गतिमा बग्न थालेको अन्नपूर्ण गाउँपालिका वडा नम्बर ११ का वडाअध्यक्ष हिमबहादुर गुरुङले जानकारी दिए । खोला थुनिएको खबरपछि गाउँपालिकाले किम्रुङखोला र मोदीखोला तटीय क्षेत्रमा सतर्कता अपनाउन मंगलबार साँझ माइकिङ गरेको थियो ।