शान्ति सम्झौता ‘सकियो’ : फेरि किन आमनेसामने भए अमेरिका र इरान ?

निकै विवादित स्ट्रेट अफ होर्मुजमा व्यापारिक जहाजहरूमाथि तेहरानले गरेको आक्रमणको जवाफ भन्दै अमेरिकाले बुधबार बिहान इरानमाथि दर्जनौँ आक्रमण गरेको छ। यसले पश्चिम एसियामा फेरि पूर्ण युद्ध सुरु हुने व्यापक त्रास फैलिएको छ।

अमेरिकी आक्रमणपछि टर्कीको अंकारामा आयोजित नेटो शिखर सम्मेलनमा राष्ट्रपति डोनाल्ड ट्रम्पले पत्रकारहरूसँग कुरा गर्दै इरानसँगको समझदारी पत्र (एमओयू) ‘सकिएको’ आफूलाई लागेको बताए। तत्कालका लागि शान्ति वार्ता जारी राख्न आफूले अनुमति दिनसक्ने भए पनि यो ‘समयको बर्बादी’ भएको उनको भनाइ छ।