छरितो शासकीय संयन्त्र

प्रधानमन्त्री बालेन्द्र शाह नेतृत्वको सरकारले संघमा १७ वटा मात्र मन्त्रालय राख्न गरेको प्रस्ताव स्वागतयोग्य छ। मन्त्रालयको संख्या कम गरेर चुस्तदुरुस्तसाथ काम गर्ने हो भने अहिलेजस्तो मन्त्रालय संख्या चाहिँदैन। अहिले मुलुकमा २१ मन्त्रालय छन्। यो संख्या पनि घटाएर प्रशासन चलाउनु उचित हो। विगतमा पनि पटक–पटक मन्त्रालय संख्या घटाउन आग्रह गरिएको हो। प्रशासन सुधारसम्बन्धी सुझावकर्ताले पनि यसमा जोड दिएका हुन्।

यसरी मन्त्रालय संख्या घटाउँदा मात्रै पनि २० अर्ब रुपैयाँसम्म बचत हुनु भनेको उल्लेख्य पक्ष हो। यो रकमलाई विकास निर्माणका काममा लगाउन सकिन्छ। अनाहकमा यत्रो रकम खर्च हुनु भनेको देशका निम्ति ठुलो घाटा हो। हामीले विगतमा यसै पनि मन्त्रीको संख्या बढाउन मन्त्रालयहरूको संख्या पनि बढाउने गरिएको थियो। विशेष गरी त्रिशंकू संसद् रहेका बेला सरकारले समर्थन जुटाइरहन पनि मन्त्रालय संख्या बढाएर पनि मन्त्री थप्ने गरेको देखिएको हो। अझ एउटा प्रधानमन्त्रीमुनि तीनजनासम्म उपप्रधानमन्त्री भएको पनि देखिएको हो।