उपेन्द्रलाई छाडेर राउत किन ढल्के कुलमान र साम्पाङतिर ?

काठमाडौँ । डा. सीके राउत नेतृत्वको जनमत पार्टीले श्रम संस्कृति पार्टी, उज्यालो नेपाल पार्टी र प्रगतिशील लोकतान्त्रिक पार्टी (प्रलोपा)सँग मिलेर राष्ट्रिय वैकल्पिक मोर्चा गठन गर्ने निर्णय गरेको छ ।

तर उक्त निर्णयप्रति जनता समाजवादी पार्टी (जसपा) नेपालका नेताहरूले आश्चर्य प्रकट गरेका छन् । जसपा नेपालका एक नेताले जनमत पार्टीका अध्यक्ष राउतले आफ्ना पार्टीका अध्यक्षसँग भेटेर पटक–पटक कुराकानी गरे पनि अहिले पुनः अर्को पार्टीसँग मोर्चा र एकताका लागि पहल थालेको सुन्दा आफूहरू आश्चर्यमा परेको बताए ।