पुस्तकालयको सामग्री भुक्तानी गर्न कमिसन मागेको भन्दै पाटनमा विवाद

काठमाडौँ । बैतडीको पाटन नगरपालिका अन्तर्गतको वृन्दावन माध्यमिक विद्यालयमा पुस्तकालय र प्रयोगशाला (ल्याब) स्थापनाका लागि विनियोजित बजेट भुक्तानीको विषयलाई लिएर नगरपालिका र विद्यालय व्यवस्थापन समितिबिच विवाद उत्पन्न भएको छ ।

चालु आर्थिक वर्षको अन्त्यमा १० लाख रुपैयाँ बराबरको बजेट भुक्तानी रोकिएको भन्दै विद्यालय व्यवस्थापन समिति आक्रोशित भएको हो । विवाद बढेपछि पाटन नगरपालिकाका नगरप्रमुख गौरी सिंह रावल नेतृत्वको टोलीले विद्यालयमै पुगेर स्थलगत अनुगमन गरेको छ ।