एसीसी यू-१९ महिला प्रिमियर कपका लागि नेपाली टोलीको घोषणा

काठमाडौँ। नेपाल क्रिकेट संघ (क्यान) ले मलेसियामा आयोजना हुने एसीसी यू-१९ महिला प्रिमियर कपका लागि नेपाली टोलीको घोषणा गरेको छ। सन् २०२६ जुलाई ११ देखि सुरु हुने उक्त प्रतियोगिताका लागि क्यानले सोनी पाख्रिनको कप्तानीमा १४ सदस्यीय राष्ट्रिय टोली सार्वजनिक गरेको हो।

क्यानका सचिव पारस खड्काद्वारा बुधबार जारी विज्ञप्ति अनुसार छनोट भएका अन्य खेलाडीहरूमा सना प्रविन, एलिसा कुमारी यादव, सावित्री धामी, मनिषा उपाध्याय, रचना चौधरी, रिया शर्मा, अनु कडायत, तिर्सना विश्वकर्मा, कृष्मा गुरुङ, अन्जली पाठक, मनिषा चौधरी, स्नेहा महरा र करुणा विष्ट रहेका छन्।