‘टिएलसी’ स्थापना गरेर तत्काल पठनपाठन सञ्चालन गर्न माग

काठमाडौं । गत भदौ १० गते भोटेकोशी र त्रिशुली नदीमा आएको आकस्मिक बाढीले क्षतविक्षत बनाएको क्षेत्रमा विद्यार्थी बालबालिकाको पठनपाठन यथासिद्ध्र शुरु गर्न अभिभावकहरुले सरकारको ध्यानाकर्षण गराएका छन् । रसुवा, नुवाकोट र धादिङमा बाढीले शिक्षा क्षेत्रमा गरेको क्षतिको विवरण सार्वजनिक गर्दै अभिभावकहरुले तत्काल पठनपाठन सूचारु गर्नुपर्नेमा जोड दिएका हुन् ।

गत भदौ १० गतेको तिब्बततर्फबाट भोटेकोशीमा आएको बाढीले पाँच जिल्लाका १५ वटा पालिका प्रभावित भएका छन् । ती १५ वटा पालिकाका चार दर्जन बढी वडाहरु प्रभावित भएको राष्ट्रिय विपद् जोखिम न्यूनीकरण तथा ब्यवस्थापन प्राधिकरणले जनाएको छ । सबैभन्दा बढी रसुवाको उत्तरगया गाउँपालिका बाढीले प्रभावित भएको छ ।