कास्कीको किम्रुङ खोला सामान्य अवस्थामा फर्कियो

कास्की– अन्नपूर्ण गाउँपालिका–११ मा रहेको किम्रुङखोलाको बहाव बुधबार बिहानदेखि सामान्य अवस्थामा फर्किएको छ। मोदी खोलाको सहायक नदी किम्रुङखोलामा पानीको बहाव अचानक घटेपछि खोला कतै थुनिएको हुनसक्ने आशंका गरिएको थियो।

अन्नपूर्ण–११ का वडाध्यक्ष हिमबहादुर गुरुङका अनुसार अहिले खोलामा पानी पहिलेकै अवस्थामा बगिरहेको छ। ‘माथिल्लो क्षेत्रमा पहिरो गएर खोला थुनिएको हो कि भन्ने विषयमा बुझ्ने काम भइरहेको भए पनि हाल तत्काल जोखिम देखिएको छैन,’ उनले भने।