जेन–जी विद्रोहको एक वर्ष : युवालाई विश्वस्त तुल्याउने प्रधानमन्त्रीदेखि गृहमन्त्रीसम्मको प्रयास

काठमाडौं : प्रधानमन्त्री वालेन्द्र शाहदेखि गृहमन्त्री सुधन गुरुङसम्मले जेन—जी आन्दोलनका सहिदहरूको सपना पूरा गर्न र मुलुकमा सुशासन कायम गर्न सरकार पूर्ण रूपमा प्रतिबद्ध रहेको बताएका छन्। गत वर्ष भदौ २३ गते भएको ऐतिहासिक जेन—जी आन्दोलनको स्मरणमा मंगलबार उनीहरूले युवा र देशलाई धोका नदिने बताए।

प्रधानमन्त्री शाहले मंगलबार साँझ सामाजिक सञ्जालमार्फत सम्पूर्ण जेन—जी युवाहरूलाई सम्बोधन गर्दै देशमा सुशासन कायम भई छाड्ने प्रतिबद्धता दोहोर्‍याएका छन्। ‘प्रिय जेन—जी सुशासन कायम हुने नै छ,’ प्रधानमन्त्री शाहले सम्बोधन गर्दै लेखेका छन्, ‘सहिदहरूप्रति हार्दिक श्रद्धाञ्जलि।’ प्रधानमन्त्रीले कुनै पनि सार्वजनिक समारोहमा भाग लिएनन्, औपचारिक सन्देशसमेत जारी गरेनन्।