मेटाले घटाउँदै १० प्रतिशत जनशक्ति, बढाउँदै एआईमा अर्बौं लगानी

काठमाडौं । मेटाले कृत्रिम बौद्धिकता (एआई) क्षेत्रमा लगानी तीव्र बनाउने रणनीतिसँगै कर्मचारी कटौतीको अर्को चरण सुरु गरेको छ । अन्तर्राष्ट्रिय सञ्चारमाध्यमका अनुसार कम्पनीले हजारौं कर्मचारीलाई जागिर समाप्त भएको जानकारी इमेलमार्फत दिन थालेको हो ।

प्रतिवेदनअनुसार मेटाले आफ्नो विश्वव्यापी रुपमा कार्यरत करिब १० प्रतिशत कर्मचारी घटाउने तयारी गरेको छ । यसक्रममा सबैभन्दा पहिले सिंगापुरस्थित कार्यालयका कर्मचारी प्रभावित भएका छन् । त्यहाँका कर्मचारीले बिहान सबेरै इमेलमार्फत जागिर गुमाएको सूचना प्राप्त गरेका थिए ।