जुनसुकै कम्पनीको सिलिन्डर साट्न पाइने

काठमाडौँ- हालैको बाढीपछि काठमाडौँ उपत्यकामा देखिएको एलपी ग्यास आपूर्ति समस्या समाधान गर्न सरकारले अस्थायी रूपमा जुनसुकै कम्पनीको खाली सिलिन्डर साटेर अर्को कम्पनीको भरिएको सिलिन्डर लिन मिल्ने व्यवस्था लागू गरेको छ।

उद्योग, वाणिज्य तथा आपूर्तिमन्त्री गौरीकुमारी यादवले नेपाल आयल निगम र ग्यास उद्योगका प्रतिनिधिसँग छलफल गर्दै उपभोक्तालाई सहज रूपमा ग्यास उपलब्ध गराउने उद्देश्यले उक्त निर्णय गरिएको जानकारी दिएकी हुन्।