एक महिनामै रौतहट प्रहरीले बरामद गर्‍यो १ करोड ४३ लाखभन्दा बढीको अवैध सामान

रौतहट । जिल्ला प्रहरी कार्यालय रौतहट तथा मातहतका प्रहरी युनिटहरूले पछिल्लो एक महिनामा १ करोड ४३ लाख ५८ हजार ९८५ रुपैयाँ बराबरको अवैध सामान बरामद गरेका छन्।

जिल्ला प्रहरी कार्यालय रौतहटका प्रमुख प्रहरी उपरीक्षक (एसपी) सिताराम रिजालका अनुसार जेठ महिनाभर सञ्चालन गरिएको विशेष निगरानी तथा कारबाहीका क्रममा उक्त परिमाणको अवैध सामान बरामद गरिएको हो। बरामद सामान आवश्यक कारबाहीका लागि जिल्ला भन्सार कार्यालय गौरमा बुझाइएको प्रहरीले जनाएको छ।