बेइजिङमा नेपाल–चीन उच्चस्तरीय वार्ता

काठमाडौं : चीन भ्रमणमा रहेका परराष्ट्रमन्त्री शिशिर खनालले चिनियाँ विदेशमन्त्री वाङ यी तथा चिनियाँ नेतृत्वसँग उच्चस्तरीय भेटवार्ता गर्दै नेपाल–चीन सम्बन्धलाई थप सुदृढ बनाउने प्रतिबद्धता व्यक्त गरेका छन्। खनालले चीनको पूर्ण पुनर्एकीकरणलाई नेपालको समर्थन रहने उल्लेख गर्दै नेपाली भूमि चीनको हितविपरीत प्रयोग हुन नदिने प्रतिबद्धता व्यक्त गरेका छन्।

चिनियाँ सरकारी मुखपत्र ‘चाइना डेली’ ले दुई नेताबीच बेइजिङमा भएको वार्ताको अंश प्रकाशन गर्दै नेपाल–चीन सम्बन्धका विविध आयामबारे विस्तृत विवरण सार्वजनिक गरेको छ। चाइना डेलीका अनुसार भ्रमणका क्रममा दुवै पक्षबीच राजनीतिक विश्वास, आर्थिक सहकार्य, पूर्वाधार विकास, व्यापार, लगानी तथा क्षेत्रीय विषयमा विस्तृत छलफल भएको छ।