जेन–जी आन्दोलनमा भएको दमन र हिंसाको निष्पक्ष छानबिन हुनुपर्छ : प्रचण्ड

काठमाडौँ। नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ले जेन–जी आन्दोलनका क्रममा भएको दमन, हिंसा, लुटपाट तथा आगजनीबारे निष्पक्ष, स्वतन्त्र र तथ्यमा आधारित छानबिन गर्नुपर्ने बताएका छन्।

जेन–जी आन्दोलन सुरु भएको एक वर्ष पूरा भएको अवसरमा बुधबार एक वक्तव्य जारी गर्दै उनले आन्दोलनका क्रममा ज्यान गुमाउनेहरूप्रति श्रद्धाञ्जली तथा शोकसन्तप्त परिवार, घाइते र प्रभावितहरूप्रति समवेदना व्यक्त गरेका छन्। सामाजिक सञ्जालमाथिको प्रतिबन्ध फुकुवा, भ्रष्टाचारको अन्त्य, सुशासन र अवसरमा समानताको मागसहित सुरु भएको आन्दोलन प्रारम्भमा अभिव्यक्ति स्वतन्त्रता र खबरदारीमा केन्द्रित रहे पनि राज्यले दमनको बाटो रोज्दा परिस्थितिले उग्र रूप लिएको उनको आरोप छ।