खेलाडी छनोटमा धाँधलीको आरोप

काठमाडौं : जापानको आइची–नागोया सहरमा आयोजना हुने २०औं एसियाली खेलकुद प्रतियोगिताका लागि गरिएको पौडी खेलाडीको छनोटमा धाँधली भएको राष्ट्रिय खेलाडीहरूले जनाएका छन् ।

इर्भिन श्रेष्ठ, मेधावी केसी, निर्णय थापालगायतका खेलाडीले नेपाल पौडी संघले पूर्वसूचना र स्थापित नियमविपरीत रातारात छनोटको मापदण्ड बदलेर खेलाडीहरूको मनोबल गिराउने काम गरेको आरोप लगाएका छन् । मंगलबार काठमाडौंमा पत्रकार सम्मेलन गर्दै खेलाडी, प्रशिक्षक तथा अभिभावकले छनोट प्रतियोगिताको विश्वसनियतामाथि प्रश्न उठाउँदै न्यायका लागि सर्वोच्च अदालत पुगेको जनाएका छन् ।