‘ईभी प्रयोगमा नेपाल विश्वमै दोस्रो, ४० अर्बको इन्धन आयात प्रतिस्थापन गर्ने सम्भावना’

नेपाल रिपब्लिक लिमिटेडद्वारा बुधबार आयोजित ‘पावर नेपाल कन्कलेभ २०८३’ को दोस्रो सत्रमा बोल्दै सरोकारवाला एवं विज्ञहरूले नेपालको विद्युतीय भविष्यलाई आर्थिक समृद्धि र आयात प्रतिस्थापनसँग जोड्नुपर्नेमा जोड दिएका छन्।

‘नेपालको ऊर्जा भविष्यको वित्तीय व्यवस्थापन’ विषयक उक्त छलफलमा नीति निर्माता, लगानीकर्ता र नवप्रवर्तकहरूले जलविद्युत उत्पादनसँगै प्रसारण लाइन निर्माण, नीतिगत निरन्तरता र नवप्रवर्द्धनात्मक वित्तीय लगानी जुटाउनुपर्ने औंल्याएका हुन्।