बसाइँ सराइले पहाडी गाउँपालिकाहरु रित्तिने चिन्ता

उदयपुर । उदयपुर जिल्लाका १२ वटा गाउँपालिका÷नगरपालिकामध्ये रहेकोमा पहाडी भेगमा पर्ने ४ गाउँपालिका बसाइँ सराइ गरेर जानेका कारण रितिँदै गएको छ । नगरपालिका क्षेत्रमा भने बसाइँ सरी आउनेको संख्या बढिरहेको छ । उदयपुरका पहाडी पालिकाहरुमा खास गरी खेतबारीमा उब्जाबाली राम्रो नहुने, सिंचाइको असुविधा, पाखोबारी, पहिरोका भय, यातायातको असुविधा भएको छ ।

एकातिर शिक्षा, स्वास्थ्य, खानेपानीको समस्या छ, अर्कोतिर पुरुषहरु वैदेशिक रोजगारमा जाने र महिलाहरु छोराछोरी पढाउनका लागि शहरबजार तथा सुविधायुक्त ठाउँमा बस्ने क्रम बढेको छ । वैदेशिक रोजगारबाट फर्किएपछि पनि गाउँ नगई शहरबजारमै जग्गा किनेर घर बनाई बस्ने गरेकाले गाउँ रित्तिँदै गएको बताइन्छ ।