३७ दिनमा सकियो अक्षराको छायाङ्कन

काठमाडौँ । विनयराज पौडेलको निर्देशन रहेको फिल्म ‘अक्षरा’को छायाङ्कन सकिएको छ। पूर्व निर्धारित कार्यतालिका अनुसार नै फिल्म ३७ दिनमा सकिएको हो । निर्देशक पौडेलले सबैको बलियो सहकार्य र मिहिनेतले तोकिएकै समयमा फिल्मको सुटिङ सकिएको बताए ।

सुशील सिटौला, न्यान्सी खड्का, सुशील पोखरेल, पुष्कर राउत, रिस्ता अधिकारी, अंशु महर्जन, गीता अधिकारी, वीरेन्द्र कुशवाह, सृजना अधिकारी, मोहन अधिकारी र सृष्टि खड्काको मुख्य भूमिका रहेको फिल्ममा बालकलाकारका रूपमा रोनक खड्का र प्रीसा ढुङ्गाना रहेका छन् ।