अर्जेन्टिना-इजिप्टको खेलमा गलत निर्णय भएको भन्दै फिफाका फेसबुक पोस्टमा ‘एङ्ग्री रियाक्ट’ को ओइरो

काठमाडौं । अर्जेन्टिना र इजिप्टबिच सम्पन्न राउन्ड अफ १६ को खेलमा रेफ्रीको निर्णयलाई लिएर खेलप्रेमीले असन्तुष्टि व्यक्त गरेका छन् । रेफ्रीका केही निर्णय अर्जेन्टिनाको पक्षमा रहेको दाबी गर्दै फुटबल समर्थकले फिफाको आधिकारिक फेसबुक पेजका पोस्टहरूमा ‘एङ्ग्री रियाक्ट’ गर्दै विरोध जनाएका हुन् ।

उक्त खेलमा इजिप्टले सुरुवाती अग्रता लिएको थियो । खेलको १५औँ मिनेटमा यासेर इब्राहिमले गोल गर्दै इजिप्टलाई पहिलो हाफमा १-० को अग्रता दिलाए । दोस्रो हाफपछि ६७ औँ मिनेटमा मोस्ताफा जिकोले गोल गरेपछि इजिप्टले २-० को बलियो अग्रता बनायो । खेलको ७९ औँ मिनेटमा अर्जेन्टिनाका क्रिस्टियन रोमेरोले पहिलो गोल फर्काए भने त्यसको चार मिनेटपछि कप्तान लियोनल मेस्सीले गोल गर्दै खेललाई २-२ को बराबरीमा ल्याए ।