यूएस ओपनमा टेनिसमा लगातार तेस्रो उपाधिको खोजी, साबालेन्काको सेमिफाइनलमा पेगुलासँग भेट

दुई पटककी साविक विजेता आर्यना साबालेन्काले यूएस ओपन टेनिसको महिला एकलतर्फ सेमिफाइनलमा स्थान सुरक्षित गर्दै आफ्नो ‘थ्री–पिट’ अर्थात् लगातार तीन पटक उपाधि जित्ने सपना जीवित राखेकी छन् ।

न्यू योर्कमा जारी प्रतियोगिताको क्वार्टरफाइनलमा लिन्डा नोस्कोभाविरुद्ध कठिन संघर्ष गर्दै पहिलो वरीयताकी साबालेन्काले अन्तिम चारको यात्रा तय गरेकी हुन् । छैटौं वरीयताकी नोस्कोभाविरुद्धको खेलमा २८ वर्षीया साबालेन्का एक समय हारको संघारमा थिइन् ।