अघि बढ्यो कानुनमन्त्री नै कानुन आयोग अध्यक्ष हुने गरी आएको विधेयक

२४ भदौ, काठमाडौं । कानुन, न्याय तथा संसदीय मामिला मन्त्री नै ‘नेपाल कानुन आयोग’ को अध्यक्ष हुने गरी प्रस्तुत ‘नेपाल कानुन आयोग ऐन २०६३’ संशोधन विधेयक अघि बढेको छ ।

गत २८ साउनमा प्रतिनिधिसभामा दर्ता भएको यो विधेयक प्रतिनिधिसभाले अगाडि बढाएको हो । बुधबार प्रतिनिधिसभामा कानुन, न्याय तथा संसदीय मामिलामन्त्री सोबिता गौतमले नेपाल कानुन आयोग (पहिलो संशोधन) विधेयक २०८३ लाई प्रस्तुत गर्न अनुमति माग्ने प्रस्ताव प्रस्तुत गर्दैछिन् ।